-
-
-
-
- Sohkadutkanrávagirjjit:
- Seppo Sampio čálii vuosttas
suomagielat sohkadutkanrávagirjji. Su Sukututkimusopas
almmustuvai juo 1975:s. Sampio ođđaseamos girji, Sukututkimuksen
perustieto, lea jagis 1996.
- Rávagirji Selvitä sukusi addá
maiddái buriid rávvagiid dakkárii, gii lea
álgaleamen sohkadutkamiin. Dán girjji lea doaimmahan
Marja-Liisa Putkonen ja dan lea goasttidan Sukuseurojen Keskusliitto.
- Ođđa girjjit almmustuvvet dađistaga.
Okta buot ođđasepmosiin dáidá leat Suvut
nimet kirjoihin -girjji, man doaimmahii Sukuviesti doaimmahusčálli
Heikki Manninen. Dát girji almmustuvai Jyväskyläs
suoidne-borgemánu molsašuvvama áiggiid 1998:s
dollojuvvon Suomalaiset juuret -dáhpáhussii.
-
- Sohkasearvedoaimma oahpisin sáhttá
atnit vaikkoba Tunne sukusi -girjji, man maiddái lea doaimmahan
Heikki Manninen. Das oažžu buriid rávvagiid
das, mo sohkasearvi vuođđuduvvo ja registrerejuvvo.
- Maiddái Sukuseurojen Keskusliitto
veahkeha: Doaimmatdoalli Vappu Vironen rávve nuvttá
sohkasearveáššiin. Doaimmahat lea Helssegis,
čujuhusas Työmiehenkatu 2.
|
