-
- SOHKASEMINÁRA
ANÁRIS 8.7.2000
-
- Dán siiddus sáhtát
lohkat sohkaseminára bovdehusa ja semináraprográmma
suoma- ja sámegillii. Semináras dolle moanaid ovdaságaid
ja doppe válde maiddái fiinna čuovgagovaid.
-
-
-
- Gihtet
čoahkkái!
-
- Ándaras Hánnobárdni
Gihte sohkasearvi ro (Andaras Hannunpoika Kitin sukuseura ry)
lágida vuosttas sohkadeaivvadeami lávvardaga 8.7.2000
Anáris, Siiddas (čujuhus: Inarintie, 99870 Inari;
tel. 02 05 64 77 40).
- Almmut iežat!
-
- Lávvardaga d. 12-16
lágidat Siiddas smávva, eahpevirggálaš
seminára, mii lea buohkaide nuvttá. Doaivut liikká
ahte Don, ráhkis fuolki, almmuhat iežat boahtimis
sohkasearvvi čállái Maritta Stoor`ii miessemánu
loahpa rádjai.
- Lávvardaga lea
vejolaš boradit ja juhkat káfe Siiddas doaibmi kafeas.
Doppe fidne govttolaš haddái máŋggalágan
biepmuid ja juhkamušaid. Kafea lea rabas 9-20 ja doppe leat
fidnemis 45-155 márkái beaivemállásat,
maidda gullá váldobiepmu lassin saláhtta,
láibi, juhkamuš ja káffe.
-
- Eahkedis oahpásmuvvat
Into ja Maarit Paadar`a Anára boazofárbma -nammasaš
boazodállui Solojávrris. Solojávri lea 14
km Anáris Leammi guvlui. Lea áibbas vealtameahttun
almmuhit iežas, dasgo boradat boazofárpmas. Jos
dárbbašat sáhtu Solojávrái ja
fas ruovttoluotta, de muitte máinnašit das, go almmuhat
iežat.
- Go min deaivvadeapmi dáhpáhuvvá
almmá ruhtadeami haga, de eat sáhte dađibahábut
dikšut gussiid idjadeami. Sáhtát ieš
gulaskuddat hálbbes idjadanvejolašvuođaid ovdamearkka
dihte Lomakylä Inaris / A. Paulavirta; tel. 016-671 108
ja 016-671 480. Lomakylä Inari lea Márkanbáikkis,
dasttán Anárjárgáttis. Lomakyläs
leat 2-6 olbmo barttat, main leat buot dárbbašlaš
rusttegat. Lomakyläs lea maiddái biilavovdnasadji,
fanasláigohanvejolašvuohta, gáddesávdni
ja kafea.
-
- Prográmma
-
- Lávvardat 8.7.
-
- Oktavuohta-sohkaseminára
d. 12-16 Siidda auditorios
- Mii čoahkkanat
d. 12.00 Siidii. Leat várren iežamet atnui auditorio,
gos álggahat sohkaseminára. Álgosáhkavuoruid
leat lohpidan doallat min searvvi lahtut. Deaivvadeami rahpá
searvvi ságadoalli, dárkkisteaddji Jouni Kitti,
gii muitala Ándaras Hánnobárdni Gihtes ja
viidáseappot Gihte-soga historjjás.
- Girječálli
Kerttu Vuolab`a fáddán lea "Muitaleaddjit
golmma buolvvas". Kerttu muitala sámi muitalanárbevieru
birra. Son álggaha ádjástis Ándaras-Hánssas
(Hans Kitti) ja máhccá dasto eatnis bokte iežas
rollii sámi girječállin.
- Satu Natunen fas muitala,
makkár lea leat sámi govvačeahppi. Satu
lea lohpidan maiddái buktit goarttaidis ja dáiddadujiidis
oaidninláhkai ja soapmásat sáhttet várra
háliidit oastitge daid.
-
- Lektor Maritta Stoor muitala
loahpas oanehaččat sohkasearvedoaimma birra. Min
sohkasearvvi ulbmilinhan lea čohkkegoahtit ja vurkegoahtit
árbedieđuid ee. sohkaprentosa várás.
-
- Eahkedis dasto guossit
leat ovttas Paadariid boazofárpmas ja oahpásmuvvet
guhtet guimmiidasaset. Álggahat oktasaš eahketdoaluid
d. 18.00 nu ahte vuos boradat álggos. Fálus lea
biđusmálli ja dasa lassin borramuššii gullá
suovasboazo- dahje suovasguollevuodjaláibi ja juhkamušat.
Eahketbiebmu máksá 80 mk olbmos. Jos dárbbašat
sáhtu boazofárbmii ja fas eret, de máinnaš
das sierra.
-
- Sotnabeaivi 9.7.
-
- Galledeapmi Bealbajávrri
meahccegirkus d. 12-
- Bealbajávrái
vuolgit musea gáttis d. 13 Matti Meskasa fanassáhtu
mielde. Vuodjit Bealbavutnii. Mátkki áigge vuodjit
maiddái Ádjásullo meattá, goas sáhttit
mielaineamet gudnejahttit iežamet máttuid muittu.
Mátki bistá beannot diimmu, ja gáttis lea
vel sullii 40 minuhta vázzinmátkki meahccegirkui,
gos doallat smávva rohkosbottu. Girku luhtte sáhttá
máhccat fas ruovttoluotta guovtte láhkai: juogo
vácci fas Márkanbáikái, gosa lea
sullii 4 kilomehtera dahje fanassáhtu mielde. Fanas vuolgá
gáttis d. 17. Jos háliidat máhccat fatnasiin,
de galggat almmuheami oktavuođas máinnašit das.
Mannanbileahtta máksá 60 márkki. Várre
alccesat niestti dán mátkki várás.
-
- Buresboahtin!
-
- Andaras Hannobárdni
Gihte sohkasearvi rs - Andaras Hannunpoika Kitin sukuseura ry
- OKTAVUOHTA - sohkaseminára
prográmma 8.-9.7.2000
- Anára Siiddas
(čujuhus: Inarintie, 99870 Anár, tel. 02 05 64
77 40)
-
- Lávvardat 8.7
- 12.00 - 12.15
- Seminára rahpan
Sámesoga lávlla (1. ja maŋimuš vearsa)
Dáiddár Merja Aletta Ranttila: Gihtte-soga loga
almmustuhttin
- 12.15 - 13.00
- Dárkkisteaddji
Jouni Kitti: 1800-logu máilbmi Anáris Gihtiid čalmmiiguin
13.00 - 13.45
- Girječálli
Kerttu Vuolab: Muitaleaddjit golmma buolvvas
- 13.45 - 14.15
- Boddu
- 14.15 - 14.30
- Sverre Porsanger lávlu
ja čuojaha gitárra
14.30 - 15.15
- Dáiddár
Satu Natunen: Makkár lea leat sápmelaš govvadáiddár?
15.15 - 15.30
- Lektor Maritta Stoor:
Sohkasearvái searvan ja sohkasearvedoaibma
15.30 - 16.00
- Sverre Porsanger lávlu
ja čuojaha gitárra
- 18.00 - 00.00
- Eahketbiebmu Paadariid
boazofárpmas Solojávrris (14 km Anáris Leammi
guvlui, tel.fárbmii: 016 - 673912 - Biebmu dušše
daidda, geat leat ovddalgihtii várren.)
-
- Sotnabeaivi 9.7.
- 10.30 - 11.30
- Oahpásmahttin Siidii,
dan čájáhusaide ja čoakkáldagaide
(sámegielagiidda ja suomagielagiidda sierra joavku; haddi
15 mk, mii berrojuvvo ovdal oahpásmahttinfáldaga
álgima)
- 11.30 - 13.00
- Boddu (olbmot sáhttet
ieŋa oahpásmuvvat čoakkáldagaide
ja olgomuseai)
- 13.00 -
- Fanas- ja vázzinmátkki
Bealbajávrri meahccegirkui
- Vuolgga musea gáttis
Anárjávrri ala Bealbavuona ja Bealbajávrri
girku guvlui, fanas vuodjá Ádjásullo meattá.
(fanasmátki s. 1 d 30 min ja vácci s. 40 min)
- 15.30 - 16.00
- Rohkosboddu meahccegirkus
- Aslak Niittyvuopio: Sámiid
vuoiŋŋalaš árbbi birra
- 16.00 -
- Máhccan vácci
Bealbavuona gáddái (s. 40 min)
- 17.00 - 18.30
- Vuolgga ruovttoluotta
Bealbavuona gáttis (fanasmátki 1 h 30 min)
- 18.30
- Sohkabeivviid loahpaheapmi
- Ovttaslávlun
|
