Gieskat lea almmustuvvan Suoma - Sámi neahttasátnegirji. Dan lea čohkken Jovnna-Ánde Vest. Dat lea hui vuđolaš sátnegirji, mas leat valjis sátnejorgalusat suomagielas sámegillii. Das lea neahttaozuin álki gávdnat dárbbašlaš sániid. Earret sátnejorgalusaid dien neahttasátnegirjji leat dievasmahttimin dábálaš hállangielas váldojuvvon vuogas ovdamearkacealkagat. Mottiin buriin ovdamearkkain sáhttá máŋgii čilgestit dihto sáni mearkkašumi mealgat buorebut go guhkes čilgehusaiguin.

Jovnna-Ánde Vest lea bargan guhká sámegielain ja sus lea nana dovdamuš sihke árbevirolaš ja ođđaset sámegielsániin. Su váldogáldun leat leamaš Konrad Nielsena ja Pekka Sammallahti sátnegirjjit ja sutnje alccesis bargguidis bokte čoggon sámegieldovdamuš. Dát neahttasátnegirji lea dahkkojuvvon nu, ahte dat heive seammás synonymasátnegirjin. Maŋŋelis sus almmustuvvá maiddái viiddis Sámi - Suoma neahttasátnegirji.